इलाम– इलामसहित कोशी प्रदेशका विभिन्न जिल्लाका चिया सरोकारवाला छिमेकी मुलुक चीनमा तालिमका लागि जाने भएका छन् ।
यहाँका ३३ जना ५ डिसेम्बर २०२४ (मंसिर २० गते) मा २१ दिनका लागि चीनको फुजियान जान लागेका हुन् ।
ग्वान्जाओस्थित ग्वान्जाओ कलेज अफ साइन्स एन्ड टेक्नोलोजीमा उनीहरूले चियासम्बन्धी तालिम लिनेछन् । इलाम क्षेत्र २ बाट निर्वाचित प्रतिनिधिसभा सदस्य सुहाङ नेम्बाङको पहलमा आफूहरु त्यहाँ जान लागेको टोलीका एक सदस्यले बताए ।
‘तालिमले इलामलगायत कोशी प्रदेशकै चियालाई नमुना बन्न सहयोग पुग्ने आशा छ,’ नेम्बाङले भनेका छन्, ‘चियाका सरोकारवालासँग कुरा गर्दा जुन समस्या र व्यक्त भएका थिए, कतिपय समस्या यही तालिममार्फत् समाधान हुन्छन् भन्ने लागेको छ ।’ frompalikapage
